Аб удзеле Пасла Беларусі ў Індыі М.Касько ў 16-й сустрэчы міністраў сельскай гаспадаркі краін БРІКС
12.06.2026 г.Пасол Рэспублікі Беларусь у Індыі М.М. Касько прыняў удзел у 16-й сустрэчы міністраў сельскай гаспадаркі краін БРІКС, якая праходзіць 12–13 чэрвеня 2026 года ў Індоры (штат Мадх'я-Прадэш, Індыя).
У сваім выступленні Міхаіл Касько зазначыў, што атрыманне статусу краіны-партнёра БРІКС адкрывае для Беларусі значныя магчымасці для пашырэння міжнароднага супрацоўніцтва. Пасол падкрэсліў стратэгічнае значэнне сельскай гаспадаркі для рэспублікі, высокі ўзровень харчовай бяспекі і значны экспартны патэнцыял Беларусі ў малочнай і мясной прадукцыі.
М.М. Касько заявіў аб гатоўнасці Беларусі ўносіць уклад у забеспячэнне харчовай бяспекі краін БРІКС пастаўкамі якаснай прадукцыі па даступных цэнах і прапанаваў развіваць навукова-тэхнічнае супрацоўніцтва, сумесныя даследаванні і стварэнне імпартазамяшчальных вытворчасцей у аграпрамысловым комплексе.
