Аб завяршэнні візіту Пасла Беларусі ў Шры-Ланку
04.02.2023 г.У рамках прадаўжэння рабочага візіту Пасла Беларусі ў Шры-Ланку 3-4 лютага адбыліся сустрэчы з кіраўніцтвам Міністэрства гандлю, камерцыі і харчовай бяспекі, знешнепалітычнага ведамства Шры-Ланкі, упраўленнем заходніх краін і пратакольнай службы МЗС Шры-Ланкі, кіраўніцтвам паліцыі г.Каломба і іншымі чыноўнікамі.
У ходзе сустрэчы з членам Парламента Шры-Ланкі, Міністрам гандлю, камерцыі і харчовай бяспекі Налінам Фернанда бакі дамовіліся аб правядзенні трэцяга пасяджэння Сумеснай Беларуска-Ланкійскай камісіі па гандлёваму і эканамічнаму супрацоўніцтву ў г. Каломба ў бягучым годзе з прадстаўнікамі бізнес-супольнасцей. Ланкійскі бок выказаў зацікаўленасць падтрымліваць і развіваць устойлівыя гандлёва-эканамічныя сувязі з Рэспублікай Беларусь, улічваючы яе значны патэнцыял для развіцця вострава, у прыватнасці ў сельскагаспадарчай сферы, хімічнага комплексу, фармацэўтыкі і сумесных праектаў.
Пытанні знаходжання беларускіх грамадзян у пенітэнцыярнай установе на працягу доўгага часу без вынясення абвінаваўчага прыгавору былі абмеркаваны з генеральным інспектарам паліцыі Шры-Ланкі Чанданай Вікрамаратнэ. Генеральнаму інспектару паліцыі выказана настойлівая просьба максімальна паскорыць разгляд справы судовымі органамі краіны.
Пасол Беларусі А.І. Ржавускі таксама правёў сустрэчу з начальнікам упраўлення заходніх краін МЗС Шры-Ланкі Манішай Гунасекерай, а таксама з начальнікам службы пратакола знешнепалітычнага ведамства Сенаратам Дысанаяке. У рамках сустрэч абмеркаваны ўвесь спектр пытанняў двухбаковага супрацоўніцтва, у тым ліку ўдзел ланкійскіх грамадзян у адукацыйных праграмах на тэрыторыі Беларусі, дыверсіфікацыя ўзаемных паставак прадукцыі і паслуг, неабходнасць актуалізацыі нарматыўна-прававой базы, а таксама пытанні ўзаемнай падтрымкі ў міжнародных арганізацыях і інш.
4 лютага адбыўся візіт ветлівасці да Міністра замежных спраў Шры-Ланкі Алі Сабры, у ходзе якога кіраўнік знешнепалітычнага ведамства падкрэсліў дружалюбны і канструктыўны характар двухбаковага супрацоўніцтва, а таксама адзначыў імкненне з боку МЗС Шры-Ланкі аказваць садзейнічанне ў вырашэнні важнейшых пытанняў як двухбаковага ўзаемадзеяння, так і на міжнароднай арэне. Акрамя таго, кіраўнік МЗС Шры-Ланкі пагадзіўся з неабходнасцю далейшага паглыблення палітычнага дыялогу паміж нашымі дружалюбнымі краінамі і пацвердзіў гатоўнасць правесці чарговыя кансультацыі знешнепалітычных ведамстваў у Каломба ў найбліжэйшы час.
Па запрашэнні ланкійскага боку Пасол Беларусі 4 лютага прыняў удзел у пратакольных мерапрыемствах, прысвечаных 75-годдзю з Дня Незалежнасці Шры-Ланкі.
