У 2004 годзе ў Рэспубліцы Беларусь адкрыта Ганаровае консульства Дэмакратычнай Сацыялістычнай Рэспублікі Шры-Ланка.

 

Надзвычайны і Паўнамоцны Пасол Рэспублікі Беларусь у Рэспубліцы Індыя А.І. Ржавускі ўручыў даверчыя граматы Прэзідэнту Шры-Ланкі 1 лютага 2019 г.

 

 

У жніўні 2013 г. грамадзянін Шры-Ланкі Дж.Селванаягам, кіраўнік кампаніі «Hovael Holdings Private Limited», прызначаны Ганаровым консулам Рэспублікі Беларусь у Шры-Ланцы.

 

У маі 2013 г. Беларусь наведала дэлегацыя на чале з намеснікам Міністра замежных спраў Шры-Ланкі.

 

25-27 жніўня 2013 г. адбыўся афіцыйны візіт Прэзідэнта Шры-Ланкі Махінда Раджапакса ў Рэспубліку Беларусь.

 

 

У маі 2014 г. адбыўся рабочы візіт у Беларусь намесніка Міністра СМІ і інфармацыі Шры-Ланкі.

 

У чэрвені 2014 г. Міністр сельскай гаспадаркі Шры-Ланкі наведаў 24-ю Міжнародную спецыялізаваную выставу «Белагра-2014». У рамках візіту ў Беларусь падпісаны міжведамасны мемарандум аб узаемаразуменні ў сферы сельскай гаспадаркі.

 

У верасні 2014 г. адбыўся візіт у Рэспубліку Беларусь Міністра культуры і мастацтваў Шры-Ланкі. Падчас візіту праведзены Дні культуры Шры-Ланкі ў Рэспубліцы Беларусь, падпісана міжведамаснае пагадненне аб супрацоўніцтве ў галіне культуры.

 

У чэрвені 2015 г. намеснік Міністра сацыяльнага развіцця, дабрабыту і жывёлагадоўлі Шры-Ланкі прыняў удзел у міжнароднай спецыялізаванай выставе «Белагра-2015».

 

У жніўні 2015 г. намеснік Міністра сельскай гаспадаркі і харчавання Беларусі наведаў Шры-Ланку.

 

Функцыянуе механізм кансультацый знешнепалітычных ведамстваў Беларусі і Шры-Ланкі. У жніўні 2016 г. у г.Мінску адбыўся 3-і раўнд палітычных кансультацый на ўзроўні намеснікаў міністраў замежных спраў дзвюх краін.

 

 

У лістападзе 2014 г. Шры-Ланку наведала беларуская дэлегацыя на чале са Старшынёй Палаты прадстаўнікоў Нацыянальнага сходу Рэспублікі Беларусь.

 

Пазіцыі Беларусі і Шры-Ланкі блізкія або супадаюць па асноўных пытаннях падтрымання міжнароднага міру і бяспекі, падыходах да рэалізацыі мэтаў і задач Дэкларацыі тысячагоддзя ААН, Парадку дня ў галіне ўстойлівага развіцця на перыяд да 2030 года, а таксама рашэнняў асноўных міжнародных самітаў, канферэнцый і іншых форумаў.

 

Беларусь і Шры-Ланка аказваюць узаемную падтрымку на выбарах у органы сістэмы ААН. Канструктыўны характар носіць ўзаемадзеянне дзвюх краін па праваабарончай тэматыкі ў ААН.