Аб сустрэчы Пасла Беларусі ў Індыі М.М. Касько з галоўным міністрам штата Заходняй Бенгаліі Мамата Банерджы
06.02.2025 г.
6 лютага 2025 г. Надзвычайны і Паўнамоцны Пасол Рэспублікі Беларусь у Рэспубліцы Індыя Міхаіл Касько сустрэўся з Маматай Банерджы, Галоўным Міністрам штата Заходняй Бенгаліі, Індыя.
Кіраўнік дыпмісіі падкрэсліў шматгадовы вопыт работы Беларусі са штатам Заходняя Бенгалія у якім больш за 20 гадоў працуе ганаровае консульства Рэспублікі Беларусь у г.Кольката, кантрактныя пастаўкі і абслугоўванне кар’ернай тэхнікі ў адрас горназдабыўных прадпрыемстваў штата і выказаў зацікаўленасць у пашырэнні такіх паставак у будучыні, а таксама ў развіцці міжрэгіянальнага супрацоўніцтва ў розных галінах у цэлым.
М. Касько запрасіў Мамату Бенерджы наведаць Рэспубліку Беларусь з афіцыйным візітам.
У сваю чаргу Галоўны Міністр штата дала станоўчую ацэнку дзеянням беларускага боку і адзначыла сустрэчную зацікаўленасць у развіцці міжрэгіянальнага супрацоўніцтва.
