Пасол Рэспублікі Беларусь у Непале (па сумяшчальніцтве) Міхаіл Касько ўручыў даверчыя лісты Прэзідэнту Непала Рам Чандру Паўдэлю
30.04.2025 г.30 красавіка 2025 г. Надзвычайны і Паўнамоцны Пасол Рэспублікі Беларусь у Непале (па сумяшчальніцтве) Міхаіл Касько ўручыў даверчыя лісты Прэзідэнту Непала Рам Чандру Паўдэлю.
Кіраўнік непальскай дзяржавы цёпла прывітаў Пасла Беларусі і пажадаў яму паспяховай і плённай працы на карысць дзвюх краін.
У рамках цырымоніі адбылася гутарка кіраўніка беларускай дыпмісіі з Прэзідэнтам Непала, якая закранула розныя сферы супрацоўніцтва беларуска-непальскіх адносін. Бакі падкрэслілі ўзаемную цікавасць Беларусі і Непала да больш цеснага супрацоўніцтва ў эканамічнай, тэхнічнай, адукацыйнай і іншых сферах.
