Прэзідэнт Беларусі А.Р. Лукашэнка павіншаваў Прэм'ер-міністра Індыі М.Модзі з днём нараджэння
17.09.2025 г.Прэзідэнт Рэспублікі Беларусь Аляксандр Лукашэнка павіншаваў з 75-годдзем Прэм'ер-міністра Рэспублікі Індыя Нарэндру Модзі.
«У Беларусі Вас ведаюць як выдатнага дзяржаўнага дзеяча, які мабілізуе ўсе сілы на развіццё сваёй Радзімы і мае вялікі аўтарытэт на міжнароднай арэне, — адзначыў кіраўнік дзяржавы. — Пад Вашым кіраўніцтвам ажыццяўляюцца важныя палітычныя і сацыяльна-эканамічныя рэформы, накіраваныя на забеспячэнне стабільнага прагрэсу Індыі і павышэнне дабрабыту яе грамадзян».
Аляксандр Лукашэнка падкрэсліў, што высока цэніць прыхільнасць прэм'ер-міністра да далейшага ўмацавання беларуска-індыйскіх адносін, заснаваных на дружбе, даверы, агульных інтарэсах і ўзаемавыгадным супрацоўніцтве. Прэзідэнт разлічвае на прадаўжэнне канструктыўнага дыялога па шырокім спектры напрамкаў як у двухбаковым фармаце, так і на шматбаковых пляцоўках.
«З цеплынёй успамінаю нашу нядаўнюю сустрэчу на Цяньцзіньскім саміце Шанхайскай арганізацыі супрацоўніцтва і чакаю візіт у Мінск індыйскай дэлегацыі на чале з Вамі ў зручны час для абмеркавання пытанняў практычнай рэалізацыі патэнцыялу міждзяржаўнага ўзаемадзеяння», — падкрэсліў Аляксандр Лукашэнка.
Прэзідэнт Беларусі пажадаў Нарэндры Модзі доўгіх гадоў шчаслівага жыцця і новых дасягненняў на карысць Індыі і яе народа.
