Аб удзеле Пасла Беларусі А.Ржавускага ў міжнароднай канферэнцыі «No Money for Terror»
21.11.2022 г.18-19 лістапада 2022 г. Пасол Беларусі ў Індыі Андрэй Ржавускі і супрацоўнікі Пасольства прынялі ўдзел у трэцяй міжнароднай міністэрскай канферэнцыі па процідзеянні фінансаванню тэрарызму «No Money For Terror».
У канферэнцыі прынялі ўдзел прадстаўнікі звыш 80 краін і міжнародных арганізацый. На цырымоніі адкрыцця з прывітальным словам выступіў Прэм'ер-міністр Індыі Нарэндра Модзі.
У сваім выступленні на канферэнцыі кіраўнік беларускай дэлегацыі, Пасол А.Ржавускі адзначыў, што нягледзячы на ўсе наяўныя складанасці абстаноўка па лініі барацьбы з міжнародным тэрарызмам у Рэспубліцы Беларусь застаецца стабільнай і кантралюемай. Ён абазначыў, што Рэспубліка Беларусь, выконваючы антытэрарыстычныя рэзалюцыі Савета Бяспекі ААН і іншыя міжнародныя абавязацельствы, ажыццяўляе шматузроўневыя фільтрацыйныя мерапрыемствы на шляху выхадцаў з нестабільных рэгіёнаў і прадпрымае ўсе магчымыя меры для спынення некантраляваных фінансавых патокаў у/з нашай краіны, якія могуць выкарыстоўвацца тэрарыстычнымі групамі для супрацьпраўнай дзейнасці.