Пасол Рэспублікі Беларусь М. Касько прыняў удзел ва ўрачыстым прыёме, прысвечаным 80-годдзю Перамогі ў Вялікай Айчыннай вайне
09.05.2025 г.9 траўня 2025 г. Пасол Рэспублікі Беларусь М.Касько прыняў удзел у арганізаваным Пасольствам Расійскай Федэрацыі ў Індыі сумесна з дыпламатычнымі місіямі Арменіі, Беларусі, Азербайджана, Казахстана, Кіргізскай Рэспублікі і Узбекістана ў Нью-Дэлі ўрачыстым прыёме, прысвечаным 80-годдзю Перамогі ў Вялікай Айчыннай вайне.
У якасці ганаровага госця на мерапрыемстве прысутнічаў Міністр замежных спраў Індыі д-р С. Джайшанкар. Сярод гасцей былі высокапастаўленыя службовыя асобы ўрада Індыі, члены Парламента, паслы і ваенныя аташэ дружалюбных краін, вядомыя прадстаўнікі мясцовых палітычных партый, дзелавых, грамадскіх і рэлігійных колаў, навуковай і культурнай супольнасці, сродкаў масавай інфармацыі.
У сваім прывітальным слове Пасол Расіі ў Індыі Дзяніс Аліпаў падкрэсліў святое значэнне Вялікай Перамогі для Расіі і ўсіх народаў былога Савецкага Саюза. Ён асабліва адзначыў уклад індыйскіх салдат і афіцэраў, якія змагаліся на баку саюзнікаў.
Выкананне твораў ваенных гадоў творчым калектывам Ансамбля песні і скокі Паўночнага флота ВМФ Расіі стала яркім упрыгожваннем вечара, які завяршыўся святочным салютам.
Госці таксама мелі магчымасць азнаёміцца з беларуска-расійскай фотавыставай «Кошт Перамогі», якая дазволіла гасцям мерапрыемства пагрузіцца ў падзеі тых гадоў.
