Супрацоўніцтва ў гуманітарнай сферы

Развіццё супрацоўніцтва ў галіне адукацыі ажыццяўляецца ў рамках падпісанага ў лістападзе 2012 г. Пагаднення паміж Урадам Рэспублікі Беларусь і Урадам Народнай Рэспублікі Бангладэш аб супрацоўніцтве ў галіне адукацыі.

Колькасць грамадзян Бангладэш, якія атрымліваюць вышэйшую адукацыю ў Беларусі, з'яўляецца нестабільнай. У 2015/2016 навучальным годзе ў беларускіх установах адукацыі навучаліся 8 грамадзян Бангладэш, у 2016/2017 навучальным годзе  177, у 2017/2018 навучальным годзе  48, у 2018/2019 навучальным годзе  26, у 2019/2020 навучальным годзе  22 бангладэшскіх студэнта, ў 2020/2021 годдзе — 23 студэнта.

У чэрвені 2016 г. устаноўлены кантакты Рэспубліканскага інстытута прафесійнай адукацыі (РІПА) з Рангпурскай тэхнічнай школай і каледжам (Бангладэш).

У студзені 2016 г. быў падпісаны Мемарандум аб супрацоўніцтве паміж Беларускім дзяржаўным універсітэтам інфарматыкі і радыёэлектронікі і міжнародным універсітэтам Бангладэш «Дэффадзіл».

Вывучаецца магчымасць супрацоўніцтва ў галіне надзвычайных сітуацый, а таксама атрымання бангладэшскімі спецыялістамі дадатковай адукацыі ў галіне ядзернай бяспекі.

У красавіку 2018 г. Міністр па справах вызваленчай вайны Народнай Рэспублікі Бангладэш наведаў Беларусь і азнаёміўся з мемарыяльным комплексам «Хатынь».

У маі 2018 г. афіцыйная дэлегацыя Бангладэш у складзе двух міністраў і чатырох членаў Парламента наведала Рэспубліку Беларусь для азнаямлення з вопытам дзейнасці мемарыяльнага комплексу «Хатынь».

У снежні 2019 г. намеснік Міністра культуры Бангладэш наведаў Мінск для азнаямлення з вопытам работы Беларускага дзяржаўнага музея гісторыі Вялікай Айчыннай вайны і правядзення перамоў у Міністэрстве культуры Беларусі.