Language
Сейчас в Минске   Погода в городах Беларуси

Галоўная Пасольства Навіны Пасольства

Аб эвакуацыйным чартары «Дэлі-Мінск» авіякампаніі «Белавія»

7-8 ліпеня 2020 г. Пасольства Індыі ў Беларусі і Беларусі ў Індыя сумесна з турыстычным агенцтвам ТАА «Агенцтва «Скайтым»» былі арганізаваныя эвакуацыйныя рэйсы B2-9925/9926 па вывазу авіякампаніяй «Белавія» з Беларусі ў Індыю індыйскіх студэнтаў і беларускіх і замежных грамадзян з Індыі ў Беларусь.
 
Дзякуючы скаардынаваным намаганням усіх бакоў стала магчымай арганізацыя рэйса і вяртання дадому праз Беларусь грамадзян розных краін чартарам, які першапачаткова планаваўся для эвакуацыі 76 індыйскіх студэнтаў выключна з Рэспублікі Беларусь.
 
Таксама па маршруце «Мінск — Дэлі» гэтым жа рэйсам (B2-9925) у Індыю прыбылі 9 спецыялістаў ААТ «БелАЗ», якія накіроўваюцца ў камандзіроўку для выканання дамоўных абавязацельстваў у рамках стратэгічна важнага кантракту «БелАЗ» з найбуйнейшай індыйскай горназдабыўной кампаніяй «Coal India» па пастаўцы і зборцы беларускіх кар'ерных самазвалаў.
 
Назад у Мінск вылецелі 29 грамадзян Рэспублікі Беларусь, у тым ліку дзве сям'і з малалетнімі дзецьмі на ільготных умовах. Дадзеных рэйсам таксама былі эвакуіраваны з Індыі: грамадзяне Расеі — 34 чалавекі, грамадзяне Украіны і Малдовы — па 4 чалавекі, грамадзяне Літвы — 3 чалавекі, Францыі, Індыі і Латвіі — па 2, Сербіі і Канады — па 1 чалавеку. Усяго на борце было 82 пасажыры 10 нацыянальнасцяў.
 
Неабходна адзначыць, што гэта ўжо трэці рэйс беларускага перавозчыка ААТ «Авіякампанія «Белавія» з Беларусі ў Індыю і назад, у арганізаваны пры ўдзеле Пасольства Беларусі ў Індыі. Папярэднія рэйсы адбыліся 5 і 25 красавіка з г. Дэлі і г. Дабалім (штат Гоа) адпаведна. Прынцыповым адрозненнем беларускіх эвакуацыйных рэйсаў ад аналагічных іншых міжнародных перавозчыкаў было прадастаўленне максімальна магчымых камфортных умоў для пасажыраў. Так, рэйс «Белавія» 5 красавіка з Дэлі ў Менск быў арганізаваны для грамадзян, у тым ліку іншых нацыянальнасцяў, на бязвыплатнай аснове. Рэйс з г. Дабалім у Беларусь 25 красавіка 2020 года быў выкананы з магчымасцю растэрміноўкі плацяжу за квіткі да канца бягучага года.
 
Нягледзячы на ўсе складанасці ва ўмовах карантыну ў Індыі, Бангладэш, Шры-Ланцы, Непале і Мальдывах Пасольству на дадзены момант атрымалася садзейнічаць вяртанню на радзіму 516 беларусаў і 214 замежных грамадзянаў 14 нацыянальнасцяў.
 
Вялікую дапамогу ў эвакуацыі беларускіх грамадзян з гэтых краін аказвалі замежныя ўстановы Расіі, а таксама Пасольства Украіны ў Дэлі. Расійскія і ўкраінскія дыпламаты знаходзіліся ў пастаянным кантакце з беларускімі дыпламатамі, прадстаўнікамі авіяперавозчыкаў «Аэрафлот», «Расія», «SkyUp».
 
З дапамогай сумесных намаганняў і пры падтрымцы расійскіх і ўкраінскіх калегаў беларускім бокам было эвакуявана: з Шры-Ланкі — 27 чалавек, Бангладэш — 29, Мальдываў — 11, Непала — 5.

Пасольства Рэспублікі Беларусь у Індыі выказвае падзяку ўсім датычным да гэтага нялёгкай працы.\